As I cam' in by Turra Market, Turra Market, for tae fee, I fell in wi' a wealthy farmer, The Barnyards O' Delgaty.
CHORUS: Linten adie, toorin adie, Linten adie, toorin ee, Linten lowerin, lowerin, lowerin, The Barnyards O' Delgaty.
He promised me the ae best pair That ever I set my e'en upon, But when I gaed tae the Barnyards There was nothing there but skin and bone.
The auld black horse sat on its rump, The auld grey mare lay on her wime, For a' that I could thump and crack, They wouldnae rise at yoking time.
When I gang tae the kirk on a Sunday, Mony's the bonnie lass I see Sitting by her faither's side, When oft she's spent all nicht wi'me.
I can drink and not be drunk And I can ficht and no' be slain, I can lie wi' another man's lass And still be welcome tae my ain.
My candle noo it is burnt oot, My snotter's fairly on the wane, Fare ye weel ye Barnyards, Ye'll never find me here again.
[Back to Index]
